Uchanganuzi wa mafumbo katika nyimbo za taarab za Siti Binti Saad

Abstract

Makala hii imeangaza muhutasari wa nyimbo na maana ya mafumbo yanayojitokeza katika nyimbo za Taarab za Siti Binti Saad. Maana ya mafumbo katika nyimbo hizi yamehusishwa na utamaduni wa Waswahili katika Upwa wa Afrika Mashariki. Utafiti huu umeongozwa na nadharia ya Semiotiki na ile ya Mtindo. Utafiti huu ulikuwa wa nyanjani na wa maktabani. Kuna data za msingi ambazo zilikusanywa nyanjani na za upili ambazo zilipatikana kwenye vitabu maktabani. Nyimbo ziliteuliwa kimakusudi kwa vile ni nyimbo zilizojulikana sana. Makala haya yaliwasilishwa kwa njia ya maelezo ili kubainisha aina mbalimbali za mafumbo. Katika ufafanuzi wa mafumbo katika nyimbo hizi maudhui ainati yalijitokeza. Kazi hii inalenga kuwafaidi wanafunzi wa fasihi katika uelewaji wa jinsi ya kuchanganua mafumbo. Vilevile, nyimbo za Siti zitaweza kuhifadhiwa kupitia kwa utafiti huu. Makala hii itakuwa kumbukumbu ya nyimbo za Siti.